Laugardaginn 3. september verður aldeilis fjör í Ömmu mús og öðrum garnbúðum á höfuðborgarsvæðinu, en þá er komið að Garngöngunni!
Garngangan hefur verið haldin á hverju ári (nema síðustu tvö ár útaf covid) frá árinu 2017, en Amma mús hefur tekið þátt í Garngöngunni frá upphafi.
Orðið Garnganga er íslenska útgáfan af Yarn crawl, en það er garnhátíð sem haldin er í garn- og hannyrðaverslunum í borgum um heim allan.
Í ár taka þessar búðir þátt: Amma Mús, Föndra, Gallerý Spuni, Garnbúð Eddu, Handprjón, Handprjónasambandið, Handverkskúnst, Storkurinn og Maro.
Smellið á kortið hér fyrir neðan til að skoða gagnvirkt kort af garngöngurúntinum í ár. Kortið opnast í nýjum glugga og er á vefsíðu Garngöngunnar.
Það má búast við miklu fjöri í Ömmu mús á laugardaginn en það verður íslenskt þema hjá okkur í ár!
SILFA verður með kynningu kl 11-13:30 á skartgripum sem eru sérhannaðir fyrir prjónara.
Heimilisiðnaðarfélagið verður með kynningu á félaginu og námskeiðum sem haldin eru hjá þeim.
Ullarvinnslan og verslunin Þingborg verður með pop-up verslun og kynningu á garni úr 100% íslenskri ull.
Dóruband, Slettuskjótt og Hörpugull munu kynna handlitaða Þingborgarull.
Stimpilkortahappdrætti
Einn stór vinningur verður einnig í gefinn í stimpilkorta-happdrætti sem allar búðirnar taka þátt í. Til þess að eiga möguleika á að vinna í happdrættinu þarf að fá stimpla í öllum verslunum sem taka þátt í garngöngunni á sérstakt stimpilkort. Stimpilkortið er hægt að nálgast í öllum verslunum. Í ár er einn stór vinningur í boði en andvirði vinningsins er 70.000 kr!
Gjafaleikur
Vinningur 1