Viltu prjóna skólapeysu eða skírnarkjól, heimferðarsett eða gammosíur undir pollagallann?
Hér er prjónað af mikilli ást, hvort sem uppskriftin er að hversdagsfötum eða sparilegum flíkum fyrir hátíðleg tilefni.
Í bókinni eru yfir 50 uppskriftir að fallegum og sígildum fötum á nýfædd börn og upp í tólf ára. Miðað er við að vanir jafnt sem óvanir prjónarar geti fylgt uppskriftunum enda eru verkefnin fjölbreytt. Fyrir þá sem halda upp á munstur eins og Dalíu og Ellu eru hér nýjar og skemmtilegar áskoranir á borð við Rósu, Páfugl og Hnetu.
Ásdís Sigurgestsdóttir og Guðrún B. Þórsdóttir þýddu.
Lene Holme Samsøe er þekktur danskur prjónahönnuður. Hún hefur sent frá sér fjölmargar uppskriftabækur sem notið hafa mikilla vinsælda hér á landi sem annars staðar.
Höfundur: Lene Holme Samsøe
Þýðendur: Ásdís Sigurgestsdóttir og Guðrún B. Þórsdóttir
Útgáfuár: 2022
Bls.: 214 bls.
Gerð: innbundin.