Verið velkomin í verslun okkar í Fákafeni 9, 108 Reykjavík
Opið 10-18 virka daga & 11-15 laugardaga

Algengar spurningar

Algengar spurningar

Hér fyrir neðan eru nokkrar algengar spurningar sem við höfum fengið í gegnum tíðina. Ef þið finnið ekki svar við spurningum ykkar hér getið þið sent okkur skilaboð á facebook, á heimasíðunni okkar, á tölvupóstinn okkar eða hringt í okkur í síma 511 3388. 

Mig vantar ákveðið lotunúmer í x garni. Er hægt að panta það í vefversluninni?

Já, þegar þú ert búin/n að velja garnið sem þú ætlar að kaupa getur þú skrifað hvaða lotunúmer þú vilt í athugasemdum í körfunni. Ef lotunúmerið er ekki til munum við hafa samband við þig um hvort þú viljir annað lotunúmer eða hætta við pöntunina.

Afhverju seljið þið ekki lopa? 

Það er auðvelt að nálgast Lopa á Íslandi en hann er til í mörgum verslunum. Við ákváðum að við vildum heldur nýta hilluplássið í vörur sem fást ekki annars staðar á Íslandi.

Hvaða garn get ég notað í staðinn fyrir léttlopa?

Hægt er að nota t.d. Mitu frá Rauma eða Double soft merino og Heavy Merino frá Knitting for Olive í staðinn fyrir léttlopa.

Seljið þið fataefni/flíselín/aðra vefnaðarvöru?

Við erum aðallega hannyrðabúð og úrvalið okkar er því bundið við útsaums-, hekl- og prjónavörur. Fyrir fataefni er best að kíkja í vefnaðarvöruverslanir, á höfuðborgarsvæðinu eru t.d. Vogue, Sauma og Föndra. 

Hvaða greiðsluleiðir eru í boði í vefversluninni?

Eins og er er bara hægt að borga með greiðslukorti.

Hvaða afhendingarleiðir eru í boði í vefversluninni?

Hægt er að fá pakka senda heim að dyrum, í pósthús, póstbox eða pakkaport. Við sendum alla pakka með Póstinum. Einnig er að hægt að sækja pöntun í verslun okkar Fákafeni 9 á opnunartíma verslunarinnar. Sjá nánari upplýsingar um afhendingu á vörum.

Hver er opnunartíminn í búðinni hjá ykkur í Fákafeni 9?

Á veturna (september-maí) er opið 10-18 virka daga og 11-15 laugardaga. Yfir sumartímann er lokað um helgar.

Hvernig eru skilareglur í Ömmu mús?

Við tökum við vörum sem eru enn í sölu hjá okkur og eru í upprunalegu ástandi og pakkningum. Þá er hægt að skipta út vöru í aðra eða fá innleggsnótu sem gildir í versluninni. Hafi vara verið pöntuð í gegnum vefverslun og er skilað innan 14 daga frá móttöku vöru getur kaupandi fengið vöruna endurgreidda að fullu.

Mig vantar aðstoð með prjónauppskrift. Getið þið hjálpað?

Við veitum glöð aðstoð með allar uppskriftir sem eru keyptar hjá okkur. Best er að koma í verslun okkar í Fákafeni 9 fyrir persónulega prjónaaðstoð. Ef þið komist ekki í verslunina er hægt að hringja í okkur í síma 511 3388 eða senda okkur skilaboð á facebook.

Afhverju eru liturinn á garninu mínu ekki alveg eins og myndin sýnir í vefversluninni?

Litir geta verið öðruvísi á garninu sjálfu en því sem sést á skjánum þar sem litir eru breytilegir eftir tölvuskjám.

sunnudagur,mánudagur,þriðjudagur,miðvikudagur,fimmtudagur,föstudagur,laugardagur
janúar,febrúar,mars,apríl,maí,júní,júlí,ágúst,september,október,nóvember,desember
Ekki eru til nógu margar vörur á lager. Einungis [max] eftir.
Bæta við óskalistannSkoða óskalistaEyða óskalista