Þessi uppskrift kemur í rafrænu pdf formi sem þú færð aðgang að þegar kaup hafa verið framkvæmd. Eftir kaup munt þú fá senda slóð í tölvupósti sem vísar á síðu þar sem hægt er að hlaða niður uppskriftinni. Við mælum með að vista uppskriftina á góðum stað, þar sem það er eingöngu hægt að hlaða uppskriftinni niður í þrjú skipti í gegnum hlekkinn í tölvupóstinum.
Stundum lendir tölvupósturinn með slóðinni í spam- eða ruslpósti, ef þú hefur ekki fengið slóðina eftir kaup er gott að kíkja þangað fyrst áður en haft er samband við okkur.
Uppskriftin er á íslensku.
Dúlludúskur barnahúfa
Dúlludúskur barnahúfa er prjónuð neðan frá og upp, í hring, með stroffprjóni.
Eins og sést á myndunum er hægt að gera húfuna með eða án eyrna og banda, og með eða án dúska - ykkar er valið!
Efni
Super Soft frá Lana Gatto (125 m/50 g)
Einnig hægt að nota Merinocot eða Feeling frá Lana Gatto eða Merino 100% frá Katia.
| Stærðir | Garnmagn |
| Nýburi | 100 g - 250 m |
| 3-6 mán | 100 g - 250 m |
| 6-12 mán | 100 g - 250 m |
| 1-2 ára | 150 g - 375 m |
| 2-4 ára | 150 g - 375 m |
| 4-8 ára | 150 g - 375 m |
Það sem þarf
- Hringprjónn nr. 3.5 (30/40 cm langur)
- Sokkaprjónar nr. 3.5
- Nál til frágangs
- Prjónamerki
- Tól til að búa til dúska
Ummál
Nýburi: 30 cm
3-6 mán: 30 cm
6-12 mán: 33,5 cm
1-2 ára: 37 cm
2-4 ára : 37 cm
4-8 ára : 40 cm
Ummálið á húfunni er minna en gengur og gerist en ástæðan er sú að bæði garnið og mynstrið gefur mikinn slaka.
Prjónfesta
26 lykkjur = 10 cm í sléttu prjóni
32 lykkjur = 10 cm í stroffprjóni