Karitas dömupeysa - uppskrift

Þessi uppskrift kemur í rafrænu pdf formi sem þú færð aðgang að þegar kaup hafa verið framkvæmd. Eftir kaup munt þú fá senda slóð í tölvupósti sem vísar á síðu þar sem hægt er að hlaða niður uppskriftinni. Við mælum með að vista uppskriftina á góðum stað, þar sem það er eingöngu hægt að hlaða uppskriftinni niður í þrjú skipti í gegnum hlekkinn í tölvupóstinum.

Stundum lendir tölvupósturinn með slóðinni í spam- eða ruslpósti, ef þú hefur ekki fengið slóðina eftir kaup er gott að kíkja þangað fyrst áður en haft er samband við okkur.

Karitas dömupeysa

Peysan er prjónuð ofan frá og niður og í hring, með gatamynstri í berustykki. Uppskriftin gefur tvær mismunandi leiðir til að klára bolinn. Annars vegar að hafa peysuna í mittissídd og þrengja vel fyrir stroff (ljósa peysan á myndum) eða hafa hana síðari og hafa klaufar á hliðunum (svarta peysan á myndum). Einnig eru gefnir tveir valkostir með úrtöku í ermum, annars vegar jöfn þrenging niður ermi og hins vegar minna tekið úr niður ermi og svo tekið vel saman fyrir stroff með lengra og þrengra stroffi. 

 Efni
- Nuovo Irlanda eða Maxi Soft frá Lana Gatto.
- Angel by Permin eða Silk Mohair frá Lana Gatto eða 50 Mohair Shades frá Katia.

Það sem þarf
- Hringprjónn nr. 6 (40 cm)
- Hringprjónar nr. 7 (40, 80 og 100/120 cm langir)
- Hringprjónar nr. 6 (100 cm langir fyrir stroff á bol)
- Sokkaprjónar nr. 7 (ef þarf í XXS fyrir stroff á ermum)
- Sokkaprjónar nr. 6 (ef valið að gera þrengri ermar)
- Nál til frágangs
- Prjónamerki

Mál
Lengd á bol, frá handvegi, með stroffi
XXS: 30 cm
XS/S: 32 cm
M/L: 34 cm
XL: 36 cm
XXL: 39 cm

Ummál á bol
XXS: 104 cm
XS/S: 111 cm
M/L: 120 cm
XL: 128 cm
XXL: 137 cm

Lengd á ermum frá handvegi, með stroffi
XXS: 34 cm
XS/S: 36 cm
M/L: 38 cm
XL: 40 cm
XXL: 42 cm

Ummál á ermum
XXS: 34 cm
XS/S: 37 cm
M/L: 41 cm
XL: 46 cm
XXL: 51 cm

Prjónfestan í þessari peysu er sú að 14 lykkjur á prjóna nr. 7 gera 10 cm með því að nota einn þráð af Nuovo Irlanda eða Maxi Soft og einn þráð af mohair.